مرة نمر قابل فار فى الغابة فوقف قدامه وضربه على قفاه وقاله :انت ماشى حافى ليه؟
تانى يوم برده النمر قابل الفار فضربه على قفاه وقاله: انت ماشى حافى ليه؟
كل لما النمر يشوف الفار يضربه على قفاه ويقوله : انت ماشى حافى ليه؟
فالفار زهق وراح للاسد ملك الغابة وحكاله على اللى حصل
فالاسد جاب النمر وسأله: ليه كده؟ قاله معرفش بضايق اول لما اشوفه
الاسد قاله طيب عشان تضربه بسبب ابقى مثلا قوله هاتلى تفاحه من على الشجرة
جابها حمره اضربه زى مانت عايز وقوله انا كنت عايزها خضرا وان جابها خضرا اضربه
وقوله انا كنت عايزها حمره فالنمر اقتنع ووافق
وتانى يوم قابل الفار وقاله: اطلع هاتلى تفاحه. فالفار قبل مايطلع الشجرة
سأل النمر قاله عايزها خضره ولا حمره؟ فالنمر بصله بتعجب كده وقاله حمره ولا خضره؟
وراح ضربه على قفاه وقاله انت ماشى حافى ليه؟؟؟؟؟؟؟؟