عرف بنفسك وشارك معانا

السلام عليكم جميعا
انا حمادة من طنطا
انا حبيت اشرك باول موضوع ليا في المنتدى الرائع ده
بصراحة انا فوجئت لماخشت على ركن التعارف وملقيتش ولا عضو كاتب حاجة
بالعكس اتمنى ان كلنا نشارك في المنتدى الرائع ده
وانا هبدا بنفسي
الاسم/ محمد قاسم ولكن معروف دايما ب(حمادة)
العمر/19سنة
الحالة ا/وعايش قصة حب
الدراسة / اولى اداب انجليزي جامعة طنطا
الهواية /كرة القدم ، الكومبيوتر ، النت ، تكوين الاصدقاء .
امنيتي في الحياة ان الناس كلها تكون ايد واحده عشان يقدرو يعيشو
لان الفرد لوحده لا يساوي شيئ في الدنيا الواسعة ده

عموما انا حبيت ابدا المشاركة في المنتدئ الجميييييل ده
يوارب القي ردووود ومشاركات كتيرررر

مع خالص تحياتي
حماااادة
[b][i]

فعلا موضوع جميل يا محمد وسيتم تثبيته وانا الان هقوم بتعريف نفسى
الاسم احمد محمود محمد
السن \ 18
الوظيفه \ طالب خدمه اجتماعيه وصاحب المنتدى
الهوايه \ كره القدم وقراءه المواضيع وكتبتها ايضا ودائما ابحث عن مساعده الناس والحب الحقيقى
وانتظر مشاركه الجميع

مشكور جدا يااحمد انا عاجبني المنتدى جدا ويارب نقدر نعمل اللازم
كنت عايز منك ايميلك عشان اققدر اتواصل معاك

السلام عليكم ورحمة الله وبركاته
هاى يا جماعة
وشكرا على الاستضافة على المنتدى الرائع دة اللى انشاء الله يحاول يحل معظم مشاكل الشباب دلوقتى
وانا بجد مبسوط انى اشتركت فيه واحب اعرفكم بنفسى
الاسم/ كريم عادل الخولى
اسم الشهرة/ كيموووووو او السقا
العنوان/ قرية مسهلة مدينة السنطة محافظة الغربية
السن/ 19 سنه
الحالة الجتماعية/ بدور على عروسة بس بحب
الهوايه/ حريف كرة _ النت _ ماتشات اوربا_ السهر
شكرا ليكو مرة تانية

نسيت اقولكم يا جماعه انى
فى اولى اداب انجليزى جامععه طنطا
شكرااااااااا

ياهلا بيك ياكيمووووووووووووووووووووو ياحبيبي
والله نروت المنتدى وكلنا بنرحب بيك معانا

واحب اقول ياجماعة كريم ده صحاب جد وانسان رائع جدا
وكله اخلاق وشهامة ورجوله وده شهادة حق مش مجامله
وعشان كده انا بحب جدا وهو زي اخويا
وعلى فكرة انا وهو زمايل في الكلية وبرة الكلية كمان وانا حبيت نستضيفه معانا في المنتدى عشان هو دماغه من ذهب وعنده افكارو كلام رائع جدا ويارب نتعاون ونكون احسن مجموعة اصدقاء في الكوووووووووووووووووووووووووون

مع خالص تحياتي وتقديري للجميع

بصراحه انا سعيد بيكم جدا واتمنى ان نرى كل الاعضاء مثلكم

السلام عليكم ورحمة الله .
في البداية اود ان اشكركم على المنتدى الرائع واسال الله عز وجل ان يوفقكم لما فيه كل الخير والسداد .
حبيت اعرفكم بنفسي
الاسم / طارق علي إبراهيم
العمر /38
العمل / مدرس احياء
العنوان / طنطا

اهلا بحضرتك يا استاذ طارق
ربنا ينفعنا بعلمك وخبرتك وينفعك بمعرفتنا المتواضعة
نورتنااااااااااااااااااااا

طبعا انا معاك ان كلنا لازم نكون ايد واحده وبالخصوص فى الزمن دى

مرسي اوي ياسالي على مشاركتك

ونورت المنتدى بس ياريت تعرفينا بنفسك اكتر

وللامام دائما ....... santa

انا اسمى سالى وعندى 18 سنه من اسكندريه وانا بجد مبسوطه بالمنتدى اوى فرحانه كمان انى بقيت مشرفه على هذا الركن ومتشكرة اوى يا حمادة انت الى نورت

اهلا بيكى يا سالى بجد نورتينا
ممكن تقولى لينا انتى بتدرسى فى ايه
بعد اذنك طبعا ولو مفيش رغبة اوك
عموما ربنا يوفقك وتنفعينا بأفكارك الجديدة واسلوبك المتميز
اهلا بيكى مرة تانية you are welcome

ربنا يخليك ياسالي وبجد كلنا سعداء بوجودك

وربنا يديم الصداقة اللي بنا للابد

وبالتوفيق ان شاء الله

السلام عليكم ورحمت الله وبركاته

أنا عايز أحى أحمد على المنتدى الرائع ده وأتمنالك المزيد من التقدم وانا دلوقت حاعرفكم بنفسى

الأسم: مصطفى محمد

أسم الشهره: مالدينى

العمر: 18سنه

البلد:مصر

المدينه:الأسكندريه

الوظيفه:طالب

الهوايه:كرة قدم,السباحه
عرف بنفسك وشارك معانا 413752587

انا فعلا بشكركم جدا على اخلاقكم الطيبة واتمنى نكون عائلة واحدة واسمحوللى اعرفكم بنفسى
الاسم :غنوة السن: 25 سنة
الوظيفة :طالبة فى كليه التربيه
البلد: مصر
المدينة :اسكندرية
أمنيتى فى الحياة الناس تحب بعضها وتخاف على بعض ونعيش فى سلام. يارب

شكرا ليكى يا غنوة على تعريفك لنفسك
وبجد شرفتينا ونورتينا
ويارب يحقق امنيتك فى الحياة
وللامام دائما

اهلا بيك يا مصطفى نورتنا

نورتينا ياغنوه وانشاء الله تحققى امنياتك

انا بجد مبسوطة اوي اني معاكم في المنتدي وارجو ان نرتقي به الي الامام ان شاء الله واحب اعرفكم بنفسي
الاسم : نرمين محمود
السن : 14 سنة
البلد : مصر محافظة الجيزة
الوظيفة : طالبة في 2 اعدادي
واخيرا اتمني للجميع السعادة في هذا المنتدي وشكرا

اهلا بيكى كتكوتة انا حبيتك اوى اول ماقريت بطاقة التعارف بتاعتك مش عارفة ليه؟ يمكن عشان انتى اصغنن عضوة معانا وانا بامووووووووت فى البنانيت ؟ مش عارفة بس بجد نفسى اتعرف عليكى اكتر وكمان انا سعيدة بمعرفتى بارق غنوة على المنتدى وروح قلبى سالى العسولة اللى على طول بتجبر بخاطرى وبتكون هى اول واحده ترد على تعليقاتى.وحمادة العظيم همزة الوصل بيننا كلنا انت انسان جميل اوى والذ شباب كيموووو لماضة هههه وهيرو الشجاع ومالدينى مجنون الكورة هههه.. وبارحب كمان بزميل المهنة طارق اهلا بيك معانا .... اوعو حد يزعل من هزارى انا اصلا بحب التهريج مع اننى نكدية ازااااااااااااى ماتسالونيش... مش ملاحظين انى اعدة ارحب بيكم وعاملة نفسى صاحبة المنتدى؟يلا حصل خير ههههه المهم نفسى نتقابل كلنا مع بعض ولو كل اسبوع مرة على شات المنتدى نعرف طباع بعض اكتر زى مابنتعرف على ميولنا واسلوبنا فى الحوار من خلال الاركان .. مقدمته لكم نورا من حجرة الانتريه على شمال باب الحجرة28 سنة مدرسة متقاعده عن العمل مربوط على اخر مرتب 150 جنيه و40 قرش و6 مليم

انا بشكرك على الكلام الى انت قولتى عليه بس بجد انا حبيتك وانت دمك خفيف بس انت نسيتى اهم واحد فى المنتدى وهو احمد بس ولايهمك انا عارفه انك نسيتى غصب عنك ولو عايزى تكلمينى انا ببقى موجوده على الساعه 8

شكرا جامد على كلامك الحلو دا يا نورا
عموما انا مش لماضه اوى يعنى هههههه
وبجد الواحد حاسس ان له اهل تانيين على الاميل دا
بجد جو حب رائع بين كل الاعضاء يشجع الواحد على الابداع
يارب للامام دايما يا نوارتنا

بجد والله انا حبيتك اوي يا نورا بعد الكلام ده وانتي حسستيني اني انا بجد منكم وانا حبيتك اوي وبعتبرك ذي اختي الكبيرة عشان انا ماليش اخوات بنات ومتعرفيش انا فرحت اد ايه لما قرات التعليق وبجد نفسي نتكلم علي شات المنتدي ونتعرف علي بعض اكثر انتي تبقي حددي معاد وانا ان شاء الله ابقي موجودة في المعاد وانا منتظرة المعاد وميرسي اوي ليكي

زائر

انا بجد بحب اشكر سالى على الموضوع الجامد ده

الاسم.عمرو حسنى

السن.14 سنه

اسم الشهره.moro

العمل.طالب داخل 3 اعدادى

الهوايه. كره القدم.النت.العاب البلايستيشن

واحب فى النهايه اشكر سالى بجد على الموضع الجامد جدا ده