فضفض..فضفض

بسم الله الرحمن الرحيم

فى البدايه برحب بالساده الاعضاء الجدد...وبحب اقدملكم دعوه جديده وبتمنى من جميع الاعضاء

المشاركه...فضفض وقول ال جواك بس ياريت من غير ما نخدش حياء الفضفضه...فضفض وقول ايه ال

مضايقك فى المنتدى....فضفض وقول ايه اكتر حاجه موجوده فى المنتدى كنت تتمنى انها ماتكونش

موجودة فضفض...وقول اكتر موضوع عجبك فضفض وقول ايه اكتر موضوع ضايقك...فضفض وقول اكتر رد

عجبك فضفض..وقول بصراحه مين اكتر عضو بتابع مواضيعه فضفض وقول رئيك فى مدير المنتدى .....

فضفض وقول مين احق للاشراف ومين من الاعضاء يستحقو ان يكونو مشرفين...فضفض دعوة جديده

يارب تعجبكم وفى انتظار ردودكم........عمرو الشيخ

والسلام عليكم ورحمه الله وبركاته

انا ايه انا لسه عضوه جديده يعني اشتركت من حوالي 10 ايام الي عرفني علي المنتدي هو المدير احمد بصراحه اكتر حاجه ضايقتني في المنتدي اني حاسه اني غريبه يعني معرفش حد خالص فيه تقريبا في الا ول كان المنتدي عاجبني جدا وعاجبني مواضيعه دخلت علي مواضيع كتير وعلقت عليها بس بعد كده حسيت ان مفيش حد بيقرا الاكلام الي بكتبه قولت جايز علشان دي مواضيع قديمه وفكرت في موضوعين جداد وفعلا كتبتهم من حوالي 3 او 4 ايام بس لقيت ان مفيش حد خالص قراهم طبعا ادايقت جدا مش من شخص معين بس حسيت اني لوحدي بصراحه قولت لاحمد وهو قالي جايز لان انا لسه جديده بس انا الدراسه فاضل عليها 10 ايام وانا في ثانويه عامه فهيبقي صعب عليا اني ادخل باستمرار في الدراسه فلو فضلت كده غريبه كتير الدراسه هتبدا وحدش هيحس بوجودي اصلا
بصراحه اكتر مشرف عجبني مفيش حد معين لاني لاحظت ان الكل بجد بيحب الي هو بيعمله واكتر حاجه شدتني للمنتدي اني حسيت ان كلكوا ايد واحده اتمني طبعا انكوا تفضلوا كده علي طول اتمني ان محدش يزعل مني بس بصراحه الحق برضه يتقال انا برضه لقيت في تعليقات علي حاجات انا علقت عليها من المشرفه غنوه والمشرف حسين كاريكا وكده انا اسفه لو كنت زعلت حد مني بس انا والله مقصدي خالص اني ازعل حد بالعكس انا زعلانه لاني نفسي اتعرف علي الاسره الجميله دي ونفسي ابقي واحده منهم

بسم الله الرحمن الرحيم

والله ياأيه كلامك جميل جدا وانتى بقيتى خلاص بقيتى مننا خلاص وكويس انك بجد قولتى ال جواكى وانشاء الله الموضوع ده يكون نافذه للجميع يرى منها عيوبه ونقدر نشوف كلنا الاخطاء ال وقعنا فيها ونحاول نصححها ونشوف كمان احنا مقصرين فى ايه ونقدر من خلال موضوع فضفض نمشى على الطريق الصحيح وكماان بشكرك يايه لامنياتك الجميله لمنتدانا وانشاء الله يكون ليكى دوركبير فى الايام القادمه...... واتمنى من الجميع المشاركه فى دعوة فضفضه....عمرو الشيخ

ميرسي ليك يا عمرو وبشكرك علي سرعه الرد وانا والله بجد فرحانه اني اتعرفت علي ناس زيكوا يارب يحققلكوا امالكم ويكبر المنتدي ده علي ايديكوا وانا بشكرك بجد انك اديتني الفرصه اني اعبر عن الي جوايا بس يارب محدش يزعل مني

هذا الموضوع لم يأتى من فراغ يا عمرووووه ده اكيد تفكير من انسان يعرف معنى كلمه مساعده الاخرين وانا بشكرك على الفكره الجميله والجديده 00000

واتنمى لك دوام التوفيق
مشاغب فى الحب

موهوب من صغرك يا عمورة ربنا يخليك لية والله موضوعك جميل بس فيها نقاط جميلة جداااااااا وانا هجواب وامرى لله بس مش عايز حد يزعل من كلمى الى مضايقنى فى المنتدى عدم الا هتمام من احمد اكتر حاجة كنت اتمنى انها ما تكونش موجودة عدم اهتمام باقى الاعضاء بدخول المنتدى والمساهمة لو بموضوع واحد اكتر موضوع عجبانى فى المنتدى موضوع حمادة قاسم الى فى ركن الحب والرومانسية اسمو كلام فى الحب اكتر موضوع ضايقنى خبر اعتزال حازم امام وداة فى ركن الزمالك اكتر رد عجبانى هو رد عمرو الشيخ فى موضع اصعب بكاء فى ركن الشعر اكتر عضو بتابع مواضيعة طبعا غنوة لان كل مواضيعة قيها افائدة كبيرة راى فى المنتدى ابتدى يكون احسن من يوم رجوع غنوة وسالى ومالدينى الاحق با الاشراف كل عضو بيساهم فى المنتدى واقول الاميرة الحسناء و أية يستحقون الاشراف بس كدة
وفى النهاية بشكر عموره حبيب قلبى وبقولو ربنا يخليك لينا كلنا على مواضيعك الجميلة

شكرا يا عمرو على المساهمة الجميلة دى وهوة دةاللى معروف عنك بس سيبنى اخلى الفضفضة شوية لما اتعرف على المنتدى والاعضاء شكرااااااااااااااااااااااااا يا مورا

الله موضوع جميل جدا وياريت كل عضو يقول رايه ويفضفض وانت اولهم يا عمرو مش انت صاحب الموضوع اكيد اكتر واحد عندك حاجات عاوز تقولها عن المنتدى وانا هبقى اقولكم راى وبشكرا كتير على الموضوع الرائع ده

...............................................بسم الله الرحمن الرحيم...................................................

فى البدايه بقولك عندك حق يابطوطه وانا هارد ....اولا الحاجه ال كان نفسى ماتكونش موجوده فى المنتدى ....اولا انا ملاحظ وجود علم اسرائيل فى المنتدى ا اتمنى من مدير المنتدى انا يمسح العلم ده من المنتدى ..عدم غياب الاعضاء بس ارجع واقول محدش يعلم بظروف حد ...تانى حاجه شكل ولون المنتدى بقى ممل الحاجه الثالثه اننا طلبنا من مدير المنتدى الاهتمام بالمنتدى خصوصا فى شهر رمضان يعنى شويه زينه وفوانيس حاجات كدا رمضانيه زى ما كل المنتديات عامله....اكتير موضوع عجبنى سلسله حلقات البرنسيسه ودى كانت حلقات جميله اكتير موضوع ضايقنى طبعا كلكم عارفينو موضوع علاء ال اتهمنى اتهامات باطله فيه وانا مش عايز افتح الموضوع ده تانى....اكتر رد عجبنى هيه فى الحقيقه ردود ..الردود ال عجبتنى وقت ما اعلنت انى هانسحب من المنتدى انا الردود دى اثرت فيا كتير وكنت سعيد جدا بسببها اكتر عضو بتابع مواضيعه غنوة دلوقتى انا معجب جدا بالاعضاء الجدد ..بطوطه...ايه ركروكه...وكمان عبدالله يحى فى الركن الاسلامى..رأى فى مدير المنتدى طبعا مدير المنتدى شخصيه محترمه...بس فى شويه تقصير من احمد ونتمنى انه يهتم شويه اكتر من كدا.....الاعضاء ال يستحقو الاشراف ...ركروكه وايه..وبطوطه....يارب اكون جمعت كل النقط المهمه...وياريت محدش يزعل...... عمرو الشيخ والسلام عليكم ورحمه الله وبركاته

ميرسي بجد ليك يا عمرو علي ردك بس بصراحه عندي تعليق صغير بس يارب محد يزعل مني
انا دلوقتي هعرض عليك وجهه نظري انت ممكن توافق عليها وممكن متوافقش وطبعا انا هحترم وجهه نظرك بصراحه تعليقي علي موضوع ان المدير مشمهتم او بوجه عام بعض الاعضاء دلوقتي احنا في شهر رمضان وطبعا الشهر ده مش بييجي غير مره في السنه ويعالم الواحد ممكن يعيش للسنه الي جايه تاني ولا لأ فاي حد بيبقي كل همه انه يحاول يجمع اكبر قدر من الحسنات بقرايه القران او الصلاه في المسجد او كده وفي اخر اليوم يكفي ان هو يعرف اخر الاخبار عن المنتدي ويعلق علي بعض الاخبار وكده واحنا طبعا لازم نحترم ده بل بالعكس احنا نشجعه كمان وبعد الشهر ده ميخلص بيكون الواحد شويه فضي ساعتها بس ممكن نعتب عليه وكده دي وجهه نظري واحب اني اسمع رايك فيها وفي الاخر احنا كلنا اخوات

الحمد لله لقد قمت بتغيير شكل المنتدى بقى رمضانى وان شاء الله هسعى لتحقيق رغباتكم

الى مضايقنى فى المنتدى بصراحه مفيش حاجه مضايقانى اكتر حاجه موجودة فى المنتدى كنت اتمنى متكونش موجودة هى غياب الاعضاء كل مواضيع المنتدى الحمد لله عجبانى ومفيش ولا موضوع ضايقنى لحد دلوقتى اكتر رد عجبنى هو فى كتير ب انا بيعجبنى رد هبه وهيرو وعمرو الشيخ وحسين والاميرة الحسناء وكيمو اكتر عضو بتابع مواضيعه عل الاعضاء بتابع مواضيعها عشان محدش يزعل منى مدير المنتدى طبعا احمد انسان طيب اوى ومحترم وخلوق وربنا يوفقه كل اعضاء المنتدى يستحقو انهم يكونه مشرفين بجد ومن الاعضاء فى نورا وايه والاعضاء الجديده لانهم فعلا عندهم نشاط ونشطه المنتدى وخله زى الاول واخيرا بشكر عمرو الشيخ على الموضوع الجميل ده

اولا بشكر عمرو جدا للموضوع الممتاز ده واللى عجبنى اسم الموضوع فضفضة
ثانيا : بصراحة احلى حاجة فى المنتدى هى الاعضاء الموجودة هى اللى بتخلى المنتدى ليه شكل احلى
واللى ماكنش عاجبنى الفترة اللى فاتت ان كل الاعضاء كانو مشغولين وماحدش كان بيهتم بالمواضيع الجديدة
وياريت ماحدش يزعل منى بس انا شايفة دلوقتى ماشاء الله الاعضاء الجدد بحييهم جدا على موضوعاتهم القيمة
والمفيدة واتمنى المزيد للجميع وكثرة المواضيع الجديدة القيمة

وكمان بشكر احمد جدا لتغيير شكل المنتدى وده اعطى للمنتدى شكل رمضانى جميل جدا
ويارب دايما المنتدى فى تقدم


بس فيه ملحوظة: بس ياريت ناخد بالنا من مكان الموضوع نفسه يعنى الموضوع الدينى يكون فى الركن الاسلامى
عشان شوفت مواضيع فى العام واسفة لو ضايقت حد بس بجد كلكم اخواتى وانا بحب المنتدى ده عشانكم انتم وكمان احمد ربنا يجازيه خير ويوفقك جميعا
وكمان ياعمرو بشكرك جدا على الفكرة دى ومعلش ردى جه متاخر شوية ربنا يخليك ويوفقك وللأمام دايما